Fransız və yapon qadınları niyə zərif şəkildə qocalırlar? - Sadə vərdiş

0 0

Fransız və yapon qadınlarının zərif və sağlam şəkildə yaşlanmasının sirri xüsusi kosmetik vasitələrdə və ya genetik üstünlükdə deyil. Mütəxəssislər bildirirlər ki, əsas amil onların qidalanma mədəniyyəti şüurlu və ölçülü yemək vərdişidir.

Lent.az xəbər verir ki, bu ölkələrdə qadınlar yeməyə tələsmir, porsiyalara nəzarət edir və qidanın keyfiyyətinə üstünlük verirlər.

Araşdırmalar göstərir ki, şüurlu qidalanan insanlar təxminən 30 faiz daha az kalori qəbul edir və yeməkdən daha çox məmnun qalırlar. Bu isə piylənmənin azalmasına, həzmin yaxşılaşmasına və daha sağlam qocalmaya şərait yaradır.

Keyfiyyət rahatlıqdan önəmlidir

Fransa və Yaponiyada üstünlük təzə və təbii məhsullara verilir. Əhali mövsümi məhsullar alır, bazarlara üstünlük verir və evdə yemək bişirməyə daha çox vaxt ayırır. Tədqiqatlara əsasən, həftədə ən azı beş dəfə evdə yemək hazırlayan qadınlarda iltihab göstəriciləri daha aşağı olur. Bu isə yaşlanma prosesinin ləngiməsi ilə əlaqələndirilir.

Sosial yemək mədəniyyəti

Hər iki ölkədə yemək yalnız fiziki ehtiyac deyil, həm də sosial hadisə sayılır. Ailələr bir masa arxasında toplaşır, dostlar birlikdə vaxt keçirir. Psixoloqlar qeyd edirlər ki, birgə yemək beyində fərqli neyron əlaqələri aktivləşdirir. İnsanlar bu zaman daha yavaş yeyir, qidanı yaxşı çeynəyir və daha az porsiya ilə kifayətlənirlər.

Aclıq hissinə qulaq asmaq

Fransız qadınlar tez-tez qəlyanaltı etmirlər. Onlar doyurucu yemək yeyir və növbəti real aclıq hissinə qədər fasilə verirlər. Yaponiyada isə “hara hachi bu” prinsipi tətbiq olunur, yəni insan özünü 80 faiz doymuş hiss edənədək yemək yeyir.

Mütəxəssislər bildirirlər ki, bu yanaşma xroniki iltihabı və oksidləşdirici stressi azaldır. Bu iki faktor isə yaşlanmanın əsas səbəblərindən hesab olunur. Aparılan araşdırmalar intuitiv qidalanan qadınlarda stress hormonu olan kortizolun daha aşağı səviyyədə olduğunu və metabolik sağlamlığın daha yaxşı olduğunu göstərir.

Günahkarlıq hissi olmadan zövq

Fransız və yapon qadınlar şirniyyatdan və sevdikləri yeməklərdən tam imtina etmirlər. Onlar şokolad və desertdən həzz alırlar, lakin bunu kiçik porsiyalarla və şüurlu şəkildə edirlər. Bu yanaşma həddindən artıq yemək sonra məhdudlaşdırma dövrünün qarşısını alır.

Mütəxəssislər vurğulayırlar ki, davamlı günahkarlıq və stress hissi orqanizmdə iltihabi reaksiyaları gücləndirə bilər. Bu isə həm sağlamlıqda, həm də xarici görünüşdə özünü göstərir.

Araşdırmalar göstərir ki, yeməyə dəyər verilən, qidalanma vaxtına hörmət olunan mədəniyyətlərdə depressiya, narahatlıq və yaşla bağlı idrak zəifləməsi daha aşağı səviyyədə olur.

Beləliklə, ekspertlər hesab edirlər ki, zərif qocalmanın sirri mürəkkəb deyil. Əsas məqam şüurlu qidalanma, keyfiyyətli məhsul seçimi, sosial ünsiyyət və öz orqanizminin siqnallarına diqqət yetirməkdir.

Yapon Fransa gözəllik sirləri