Rusiyada pilotsuz uçuş aparatlarının (PUA) Udmurtiyaya endirdiyi zərbələr nəticəsində 11 nəfər xəsarət alıb.
"Report"un "İnterfaks"a istinadən verdiyi məlumata görə, bunu regionun səhiyyə naziri Sergey Baqin telegram kanalında yazıb.
O qeyd edib ki, 3 nəfər xəstəxanaya yerləşdirilib: "İki xəstənin vəziyyəti orta ağırdır, birinin isə ağırdır. Daha 8 zərərçəkən ambulator müşahidəyə buraxılıb", - Baqin bildirib.
Daha əvvəl Udmurtiya başçısı Aleksandr Breçalov respublikanın obyektlərindən birinin PUA-ların hücumuna məruz qaldığını, yaralıların olduğunu bildirib.