Qara dənizdə Rusiyaya aid olduğu bildirilən “Kairos” və "Virat" adlı iki gəmidən partlayış və yanğın olub.
Lent.az xəbər verir ki, birinci gəmidən 25, ikincidən isə 20 nəfər ekipaj üzvü Türkiyə Dənizçilik İdarəsinin xilasetmə briqadaları tərəfindən təxliyə edilib.
“Reuters” agentliyi “Kairos” gəmisinin vurulmaq ehtimalı olduğunu və batma təhlükəsi ilə qarşı-qarşıya olduğunu yazıb.
Bəzi Rusiya mənbələri də gəmilərin hücuma məruz qala biləcəyi ilə bağlı məlumat yayıb.
Gəmilərdəki partlayış və yanğın hadisələri ilə bağlı hələ ki, rəsmi açıqlama verilməyib.
Gəmilərin Rusiya neftini daşıyan “Kölgə donanma”ya aid olduğu ehtimal olunur.