Cənubi Koreyanın Xarici İşlər Nazirliyi ABŞ-la birgə hərbi təlimlərin sırf müdafiə xarakteri daşıdığını bəyan edib.
"Report" xəbər verir ki, bu barədə Cənubi Koreya Xarici İşlər Nazirliyinin bəyanatında bildirilib.
"Cənubi Koreya və ABŞ-ın birgə təlimləri müdafiə xarakteri daşıyır və Şimali Koreyanın nüvə və raket proqramlarından qaynaqlanan artan təhdidə cavab olaraq müdafiə qabiliyyətini qorumaq məqsədilə hər il keçirilir", – bəyanatda qeyd olunub.
Qurum həmçinin vurğulayıb ki, bu cür təlimlər təkcə Koreya yarımadasında deyil, bütün Şimal-Şərqi Asiyada sülh və sabitliyin qorunmasına töhfə verir.
Mənbə: report.az