Soyuducudakı xoşagəlməz qoxunu azaltmaq üçün cəmi bir neçə qaşıq duz kifayət edə bilər. Bu üsulun sirri duzun rütubəti özünə çəkmək xüsusiyyətindədir.
Lent.az xarici mediaya istinadən xəbər verir ki, soyuducuda yaranan yad qoxular çirklənmiş rəf təmizləndikdən sonra belə qala bilər. Əgər tam təmizlik üçün vaxt yoxdursa, müvəqqəti əlavə vasitə kimi demək olar ki, hər mətbəxdə olan adi duzdan istifadə etmək mümkündür.
Duz necə kömək edə bilər?
Duz ətraf mühitdəki rütubəti özünə çəkə bilir. Məhz bu xüsusiyyət soyuducunun içərisində tökülmüş içki və ya məhsulların uzun müddət saxlanması nəticəsində yaranan xoşagəlməz qoxunun azalmasına kömək edə bilər. Bunun üçün təxminən üç xörək qaşığı duzu kiçik boşqaba töküb soyuducunun rəflərindən birinə qoymaq lazımdır. Duzu açıq qidaların yanına yerləşdirməmək məsləhətdir. Bundan əvvəl çirklənmiş sahə mütləq təmizlənməlidir.
Duz olan qab soyuducuda bir gecə saxlanılır.
Bu məqsədlə həm xırda, həm də iri duzdan istifadə etmək olar. Duz zamanla nəm çəkibsə və ya çirklənibsə, onu yenisi ilə əvəz etmək lazımdır. Bununla belə, yalnız bu üsula güvənmək düzgün deyil.
Duz yad qoxuları azaltmağa kömək edə bilər, lakin qoxunun əsas mənbəyini aradan qaldırmır. Buna görə də soyuducunu mütəmadi təmizləmək vacibdir.
Duzu nə ilə əvəz etmək olar?
Digər əlçatan vasitə qida sodasıdır. Soda zəif qələvi xüsusiyyətə malikdir və kəskin qoxu yaradan bəzi turşulu birləşmələrlə reaksiyaya girə bilər.
İstifadə üsulu da olduqca sadədir: bir neçə xörək qaşığı soda açıq qaba tökülərək soyuducunun rəfinə qoyulur. Bəzi hallarda soda xoşagəlməz qoxunun neytrallaşdırılmasında duzdan daha təsirli ola bilər.
Maraq soyuducu duz pis qoxu qida sodasıMənbə: lent.az