Ekstrasenslərin sözlərinə görə, hər bir insanın onu dəstəkləyən, qoruyan və həyat yolunda istiqamətləndirən mənəvi bələdçilərdən ibarət "ruhani komandası" var.
Lent.az xarici mediaya istinadən doğum tarixinizə uyğun mənəvi bələdçinizi təqdim edir.
Ayın 1, 10, 19 və ya 28-də doğulanlar – Ulduz varlıqları
Günəşin təsiri altında doğulan insanların mənəvi bələdçilərinin Sirius və ya Pleyadalar kimi ulduz sistemlərindən gəldiyi iddia olunur. Onların həyat məqsədini dərk etməyə kömək etdiyi və xüsusilə sevinc dolu anlarda və ya mühüm kəşflər zamanı hiss olunduğu bildirilir.
Ayın 2, 11, 20 və ya 29-da doğulanlar – Əcdadlar
Ay enerjisi bu insanları xüsusilə ana tərəfdən gələn əcdadlarla əlaqələndirir. Ezoterik yanaşmaya görə, əcdadlar çətinliklərin öhdəsindən gəlməyə, nəsildən gələn travmaları sağaltmağa və irsi qabiliyyətləri üzə çıxarmağa yardım edir.
Ayın 3, 12, 21 və ya 30-da doğulanlar – Tanrılar və qədim panteonlar
Yupiterin təsiri altında doğulanların mənəvi bələdçiləri müxtəlif mədəniyyətlərin qədim tanrılarının simvolik obrazları vasitəsilə özünü göstərə bilər. Mifologiyanı öyrənmək onların özünü daha yaxşı tanımasına və daxili güc qazanmasına kömək edə bilər.
Ayın 4, 13, 22 və ya 31-də doğulanlar – Qalaktik bələdçilər
Uranın təsiri altında olan insanlar güclü intuisiyaya sahib hesab olunurlar. Onlar yuxular, meditasiya və təsadüfi görünən hadisələr vasitəsilə işarələr ala bilərlər. Ekstrasensin fikrincə, qalaktik bələdçilər onları enerji baxımından şəfaya yönləndirə bilər.
Ayın 5, 14 və ya 23-də doğulanlar – Arxangellər
Merkurinin təsiri altında doğulanların arxangel Mixail, Cəbrayıl və Rafael ilə mənəvi bağının olduğu iddia edilir.
Onların insanlara öz istedadlarından mühüm məqsədlər naminə istifadə etmək üçün ilham verdiyi bildirilir.
Ayın 6, 15 və ya 24-də doğulanlar – İlahələr
Venera bu insanları qadın ilahi arxetipləri ilə əlaqələndirir. Ezoterik inanclara görə, İsis, Afina və Afrodita kimi ilahələr şəfa, müdriklik və qəlbin açılması mövzularında simvolik dəstək verə bilər.
Ayın 7, 16 və ya 25-də doğulanlar – Ruhlar
Neptunun təsiri altında doğulan insanlar görünməyən varlıqları hiss etdiklərini və ya intuisiyaları vasitəsilə mesaj aldıqlarını düşünə bilərlər. Bu bələdçilərin məkanların, hadisələrin və insanların gizli tərəflərini anlamağa kömək etdiyi iddia olunur.
Ayın 8, 17 və ya 26-da doğulanlar – Ucalmış ustadlar
Saturnun təsiri altında doğulanların mənəvi bələdçilərinin maariflənmiş şəxsiyyətlər olduğu bildirilir. Onların həyat sınaqlarından keçməyə, öyrənməyə və yuxular, intuisiya, meditasiya vasitəsilə inkişaf etməyə kömək etdiyi deyilir.
Ayın 9, 18 və ya 27-də doğulanlar – Totem heyvanları
Marsın təsiri altında doğulanların mənəvi bələdçiləri simvolik totem heyvanları hesab olunur. Onların insanlara güc, cəsarət və daxili enerjidən istifadə edərək maneələri aşmaqda dəstək verdiyi vurğulanır.
ekstrasenslərin öncəgörmələri doğum tarixinizə uyğun mənəvi bələdçinizMənbə: lent.az