İndoneziyanın Bali adasında baş verən maraqlı hadisə sosial şəbəkələrdə böyük maraq doğurub. Məbədi ziyarət edən britaniyalı turistin telefonu meymun tərəfindən oğurlanıb, cihaz təxminən bir saat sonra geri qaytarıldıqda isə onun içində meymunun çəkdiyi video və selfilər aşkarlanıb.
Lent.az xarici mediaya istinadla xəbər verir ki, 19 yaşlı Oliver Lloyd meymunların şəklini çəkərkən meymun qəfil yaxınlaşaraq telefonu birbaşa əlindən götürüb və meşəyə qaçıb.
Turist və sevgilisi məbəd əməkdaşlarının köməyi ilə yüzlərlə meymunun arasında cihazı axtarmağa başlayıblar. Təxminən bir saatdan sonra onlar telefondakı geolokasiya vasitəsilə onun yerini müəyyən edə biliblər. Məbədin mühafizəçisi meymunu taparaq telefonu təhlükəsiz şəkildə geri alıb.
Oliver telefonu yoxlayarkən maraqlı mənzərə ilə qarşılaşıb. Məlum olub ki, meymun cihazla uzun video çəkib və kameraya yaxın məsafədən bir neçə selfi də edib.
meymun Bali İndoneziya
Mənbə: lent.az