Gilasın rəngi sarıdan tutmuş tünd qırmızıya qədər dəyişə bilər. Bütün növləri lif, vitamin və minerallarla zəngindir. İyun ayı gilas mövsümüdür. Bu meyvə təkcə dadlı deyil, həm də vitamin və mineralların dəyərli mənbəyi hesab olunur.
Lent.az gilasın faydalarını təqdim edir:
150 qram çiy gilasın tərkibində aşağıdakılar var:
2 qram zülal;
25 qram karbohidrat;
3 qram lif;
C vitamininin gündəlik tələbatının 18 faizi;
Kaliumun gündəlik tələbatının 10 faizi;
Misin gündəlik tələbatının 5 faizi;
Manqanın gündəlik tələbatının 5 faizi.
Gilasın faydaları
Gilasın tərkibindəki yüksək miqdarda antioksidantlar oksidləşdirici streslə mübarizə aparmağa kömək edə bilər. Oksidləşdirici stres bir çox xroniki xəstəliklər və vaxtından əvvəl qocalma ilə əlaqələndirilir.
Gilasda hüceyrələrin zədələnməsinin qarşısını alan və iltihabı azaldan polifenollar adlı maddələr xüsusilə çoxdur. Bundan əlavə, onun tərkibində iltihabəleyhinə və antioksidant təsirə malik beta-karotin və C vitamini də var. İltihabəleyhinə xüsusiyyətlərinə görə gilas artrit əlamətlərinin azalmasına kömək edə bilər.
Araşdırmalar göstərir ki, bu meyvə oksidləşdirici stresin qarşısını almağa və iltihabı zəiflətməyə kömək edərək artritlə əlaqəli simptomların yüngülləşməsinə dəstək ola bilər. Tədqiqatlar həmçinin göstərir ki, gilasın tərkibində olan antioksidant və iltihabəleyhinə maddələr fiziki fəaliyyət nəticəsində yaranan əzələ ağrılarını, zədələnmələri və iltihabı azaltmağa kömək edə bilər.
Maraq gilas gilasın faydaları
Mənbə: lent.az