İqtisadiyyat Nazirliyi yanında Əmlak Məsələləri Dövlət Xidməti hərracda 2 səhmdar cəmiyyətinin səhm paketi və 13 nəqliyyat vasitəsi satılıb.
"Report" bu barədə quruma istinadən xəbər verir.
Hərracda "Yevlax Yük Avtonəqliyyat" və "Ucar İnşaat Xidmət" ASC-lərin səhm paketləri özəlləşdirilib.
Rəqabətli keçən hərracda start qiyməti 7 000 manat olan "KAMAZ 4326" markalı yük avtomobili 19 900 manata, 7 500 manat olan "Iveco" markalı mikroavtobus isə 17 600 manata satılıb.
Hərracda satılan əmlakların siyahısı ilə Dövlət Xidmətinin rəsmi saytı vasitəsilə tanış olmaq olar.
Qeyd edək ki, martın 17-də keçiriləcək növbəti hərraca 44 nəqliyyat vasitəsi çıxarılıb.
Hərraclarda iştirak etmək istəyənlər "www.emlak.gov.az" və "www.auksion.gov.az" internet saytlarından seçim edə bilərlər.