Rusiyanın Tolyatti Şəhər Dumasının “Vahid Rusiya” partiyasından olan deputatı Aleksandr Doroşkin şəhər təsərrüfatı, şəhərsalma və torpaq münasibətləri üzrə komissiyanın sədri vəzifəsindən vaxtından əvvəl istefa verib.
Lent.az yerli mediaya istinadla xəbər verir ki, onun həyat yoldaşı Lyubov Marçenko Çilidə uşaq dünyaya gətirdiyi üçün həmkarları ona irad bildiriblər. Hadisə cəmiyyətdə geniş narazılığa səbəb olub.
Qeyd olunur ki, Doroşkin könüllü şəkildə “Vahid Rusiya” partiyasından çıxıb. Partiya daxili yoxlamaya təşəbbüs göstərən Dövlət Dumasının deputatı Yevgeni Revenko bildirib ki, cəbhə üçün vəsait toplayan insanların olduğu bir vaxtda deputatın həyat yoldaşının xaricdə doğum imkanları ilə öyünməsi “əxlaqsız və yolverilməz” davranışdır. Qalmaqala səbəb Marçenkonun paylaşdığı video olub: o, xaricdə doğum etməyi arzuladığını və ərinin ona Çiliyə birinci sinif biletlər aldığını, nəticədə uşağın avtomatik olaraq həmin ölkənin vətəndaşlığını aldığını deyib.
Sonradan Marçenko sosial şəbəkələrdə videoya görə üzr istəyərək evə qayıtmaqdan məmnun olduğunu yazsa da, bu, deputatın davranışı ilə bağlı sualları aradan qaldırmayıb. Hadisə cəmiyyətdə sosial ziddiyyətləri ön plana çıxaran tənqid dalğasına səbəb olub.
Hadisələr