ABŞ-da silsilə qətldə şübhəli bilinən şəxs həbs edilib.
Lent.az xarici mətbuata istinadən xəbər verir ki, hadisə Los-Ancelesdə baş verib.
33 yaşlı Cerri Cozef üç bomju qətlə yetirib.
Əldə olunan məlumatlara görə, o, 3 nəfəri öldürüb. 37 yaşlı Xose Bolanos noyabrın 26-da səhər saat 3 radələrində Los-Ancelesin cənub xiyabanında güllə yarasından ölü tapılıb. Növbəti gün, 62 yaşlı Mark Diqqs səhər saat 5 radələrində şəhərin mərkəzi yaxınlığında alış-veriş arabasını itələyərkən vurularaq öldürülüb.
Üçüncü qətl noyabrın 29-da gecə saat 2:30 radələrində baş verib. Linkoln Heights məhəlləsində 52 yaşlı kişinin cəsədi tapılıb.
Detektivlər Cozefin avtomobilini müşahidə kamerası görüntülərindən müəyyən ediblər. Aparılan araşdırmalar nəticəsində Cerri Cozef qısa müddət ərzində saxlanılıb.