Mütəxəssislər xəbərdarlıq edirlər ki, saçların hər gün yuyulması onların vəziyyətini yaxşılaşdırmaq əvəzinə zamanla pisləşdirə bilər. Ekspertlərin sözlərinə görə, şampundan həddindən artıq istifadə baş dərisinin təbii balansını poza və müxtəlif problemlərə səbəb olur.
Lent.az xəbər verir ki, baş dərisi saçları nəmləndirən, elastikliyini qoruyan və xarici təsirlərdən müdafiə edən təbii yağ ifraz edir. Saçların hər gün yuyulması bu qoruyucu təbəqənin davamlı şəkildə aradan qalxmasına gətirib çıxarır. Nəticədə saçlar quruyur, kövrəkləşir və parlaqlığını itirir.
Mütəxəssislər bildirirlər ki, saçların yuyulma tezliyi azaldıldıqdan bir neçə həftə sonra bir çox insan müsbət dəyişikliklər müşahidə edir. Saçlar daha yumşaq olur, daha az dolaşır və təbii parlaqlıq qazanır. Tez-tez saç yumağın digər mənfi təsiri baş dərisindəki piy vəzilərinin fəaliyyətinə aiddir. Baş dərisi təbii yağların tez-tez yuyulmasını kompensasiya etmək üçün daha çox piy ifraz etməyə başlayır. Bu isə saçların daha tez yağlanmasına səbəb olur və insanı saçlarını daha tez-tez yumağa məcbur edir. Yuma intervallarının tədricən artırılması baş dərisinin təbii fəaliyyət ritmini bərpa etməyə kömək edir. Bu, qıcıqlanmanın, quruluğun və həddindən artıq yağlanmanın azalmasına şərait yaradır.
Bundan əlavə, saçların daha az yuyulması boyanın da daha uzun müddət qalmasına kömək edir. Beləliklə, saç rəngi öz parlaqlığını və zənginliyini daha uzun müddət qoruyur. Bununla yanaşı, mütəxəssislər vurğulayırlar ki, hər kəs üçün eyni qayda yoxdur. Saçların yuyulma tezliyi saç tipindən, insanın fiziki aktivliyindən, baş dərisinin vəziyyətindən və orqanizmin fərdi xüsusiyyətlərindən asılıdır. Ekspertlərin fikrincə, əsas meyar gündəlik vərdiş deyil, saçların vəziyyəti və insanın özünü rahat hiss etməsidir. Əgər buna ehtiyac yoxdursa, saçları hər gün yumaq məcburi hesab edilmir.
Maraq saç yumaq saç baxımı sağlam saçlarMənbə: lent.az