Evin və ya mənzilin nömrəsindəki bəzi rəqəmlərin uğur gətirdiyinə inanılır.
Yəqin ki, ad numerologiyası və ya doğum tarixindəki rəqəmlərə əsaslanan uyğunluq cədvəlləri haqqında eşitmisiniz. Lakin “ev numerologiyası” adlı başqa bir anlayış da mövcuddur. Bu bilik vasitəsilə yaşadığınız mənzilin və ya evin nömrəsinin həyatınıza necə təsir göstərə biləcəyini hesablamaq mümkündür.
Lent.az xarici mediaya istinadən xəbər verir ki, numerologiya qədim dövrlərə gedib çıxan bir bilikdir. Qədim sivilizasiyalar rəqəmlərə xüsusi əhəmiyyət verirdilər.
Evinizin uğurlu nömrəsini necə hesablamaq olar?
Bunun üçün bütün rəqəmləri birrəqəmli ədədə qədər toplamaq lazımdır.
Məsələn:
Əgər mənzilinizin nömrəsi 24-dürsə:
2 + 4 = 6
Deməli, evinizin numeroloji rəqəmi 6 hesab olunur.
Əgər nömrə artıq bir rəqəmdən ibarətdirsə, əlavə hesablamaya ehtiyac yoxdur.
Rəqəmlərin mənası
1 nömrəli ev
Bu rəqəm müstəqillik, liderlik və məqsədyönlülüyü simvolizə edir. Təşəbbüskar insanlar və sahibkarlar üçün uyğun hesab olunur. Yeni başlanğıclara və şəxsi inkişafına dəstək verir.
2 nömrəli ev
Amanda Qrinə görə bu rəqəm harmoniya, həssaslıq və tərəfdaşlıq simvoludur. Belə ev münasibətləri, sevgini və yaxınlığı gücləndirir. Cütlüklər və ailələr üçün uyğun sayılır.
3 nömrəli ev
Yaradıcılığı, ünsiyyəti və sosial aktivliyi artırır. Bu rəqəm sevinc, özünüifadə və əyləncə enerjisi ilə əlaqələndirilir.
4 nömrəli ev
Nizam-intizam, sabitlik və qayda yaradır. Belə evdə yaşayan insanlar daha məsuliyyətli və təşkilatçı olmağa meylli olur.
5 nömrəli ev
Azadlıq, macəra və dəyişiklik enerjisini simvolizə edir. Həyəcan və müxtəliflik axtaran insanlar üçün uyğun hesab olunur.
6 nömrəli ev
Bu rəqəm qayğıkeşlik və ailə istiliyi ilə əlaqələndirilir. Ailələr və yaşlı insanlar üçün ideal seçim sayılır.
7 nömrəli ev
Düşüncə, mənəvi inkişaf və özünü tanıma üçün uyğun enerjiyə malikdir. Sakitlik və tənhalıq sevən insanlar üçün tövsiyə olunur.
8 nömrəli ev
Maddi rifah və uğur gətirdiyinə inanılır. İş adamları və ambisiyalı insanlar üçün əlverişli hesab edilir.
9 nömrəli ev
Bu rəqəm humanizm və cəmiyyətə xidmət enerjisini simvolizə edir. Həyatda daha çox optimizm və mənəvi məqsəd axtaran insanlar üçün uyğun sayılır.
numeralogiya ev və mənzil nömrələrinin mənası