Gürcüstanda elektrik enerjisinin qiyməti 33,3 % artırılıb.
"Report"un yerli bürosu xəbər verir ki, bununla bağlı qərar qonşu ölkənin Enerji və Su Təchizatı Tənzimləmə Komissiyasının iclasında qəbul olunub.
Qərara əsasən, aprelin 1-dən elektrik enerjisinin 1 kVt/saatı təxminən 5 tetri bahalaşacaq. Əgər paytaxt Tbilisidə ayda 0-101 kVt/saat elektrik enerjisi istifadə edən abonentlər indiyə qədər hər kVt/saata görə 15 tetri ödəyirdilərsə, apreldən bu rəqəm 20 tetri olacaq.