Sahibin tərbiyə və davranış tərzi ev heyvanının gələcək xarakterinin formalaşmasında mühüm rol oynayır.
Lent.az xəbər verir ki, əgər pişiyi necə mehriban etmək lazım olduğunu bilsəniz, genetik baxımdan ən aqressiv sayılan cins belə buna mane olmayacaq.
Erkən ünsiyyət
Pişik balası ilə ən erkən dövrlərdən etibarən sıx əlaqə saxlamağa çalışın.
Vacib məqam: bu, balaları istədiyiniz vaxt ana pişikdən ayıra biləcəyiniz anlamına gəlmir. Balaları anadan ayırmaq yalnız doğulduqdan 6-8 həftə sonra mümkündür.
Oyunlar və sığallamaq
Heyvanı ünsiyyətcil etmək üçün onu hər gün sığallayın və yüngülcə qaşıyın. Tez-tez olan toxunma təması sayəsində pişiklər sosiallaşır, sakitləşir və onların zehni inkişafı da sürətlənir.
Cəza verməyin
Fiziki cəza pişik üçün onun müstəqilliyinə birbaşa təhdiddir. Bu cür yanaşma pişikdə intiqam hissi və aqressiya yaradır.
Tükünə qulluq edin
Pişiyin tükünü darayarkən hərəkətləriniz yumşaq, zərif və ritmik olsun. Qulluq prosesi zamanı sevimlinizlə mehriban səslə danışmağı da unutmayın. Bu, onun sakitləşməsinə və gərginliyi azalmasına kömək edəcək
Heyvanlar heyvanlar aləmi pişiklər