Azad olunmuş ərazilərdə 100-ə yaxın qəsəbə və kənd yaşayış məntəqələrinin şəhərsalma əsasnamələri təsdiq olunub.
"Report" xəbər verir ki, bunu Dövlət Şəhərsalma və Arxitektura Komitəsinin şöbə müdiri Ramil Cahangirov QHT-lər üçün təşkil edilmiş "Davamlı şəhərsalmada vətəndaş cəmiyyətinin rolu" mövzusunda WUF13 üzrə təlimdə deyib.
Onun sözlərinə görə, hazırda azad olunmuş ərazilərdə 70 mindən çox vətəndaş yaşayır:
"Bu ərazilərin yaşayış məntəqələrinə ümumilikdə 37 köç baş tutub. Həmin məntəqələrdə vətəndaşların rifahı üçün hər bir şərait təmin olunub".