Kanadanın Vinnipeq şəhərində santexniklər ventilyasiya borusunun içərisində gizlədilmiş beş min Kanada dolları olan qaba rast gəliblər.
Lent.az xəbər verir ki, bu barədə CBC News məlumat yayıb.
Baca təmizləmə şirkətinin sahibinin dediyinə görə, o, karyerasında heç vaxt belə tapıntılara rast gəlməyib. "Bu, son üç ildə işdə tapdığımız ən qeyri-adi şeydir. Adətən borularda toz, ölü böcəklər, silah və hər cür pis şeylər olur." Ev sahibi pulun mənşəyini izah edə bilməyib. Onun fikrincə, pulu əvvəlki ev sahibi gizlədə bilərdi. Qadın tapılan vəsaiti Filippinə səyahətə xərcləməyi planlaşdırır.