ABŞ-də bir porno modelin avtomobilində reklam stikerləri olduğu üçün uşaqlarını məktəbə aparmaq qadağan edilib.
Let.az xəbər verir ki, bu barədə "Daily Star" məlumat yayıb.
"Piper Fawn" istifadəçi adı ilə "OnlyFans"da açıq-saçıq məzmunlar yerləşdirən Mişel Klayn uşaqlarını mütəmadi olaraq Florida ştatının Tavars şəhərindəki xristian məktəbinə aparır. Əlavə onlayn tanıtım üçün o, hesablarını avtomobilində reklam etdi. Digər valideynlərin şikayətindən sonra məktəb rəhbərliyi ona uşaqlarını küçənin o biri tərəfindən yola salmağı və avtomobillə əsas girişə qədər getməməyi təklif edib. Qadın da öz növbəsində bildirib ki, bu halda məktəb işçiləri övladlarının yolu təhlükəsiz keçməsinə kömək etməlidirlər. O, həmçinin qeyd edib ki, o, qanunu pozmayıb, ona görə də reklamı avtomobildən silməyi planlaşdırmır.