Avropa İttifaqı (Aİ) üzv ölkələrinin səfirləri Ermənistana 20 milyon avro məbləğində hərbi yardım paketinin ayrılmasını təsdiqləyiblər.
"Report" xəbər verir ki, bu barədə "Azadlıq Radiosu"nun Avropa məsələləri üzrə redaktoru Rikard Cozvyak öz mənbələrinə istinadən bildirib.
Onun məlumatına görə, bu, Avropa Sülh Fondu çərçivəsində İrəvana təqdim edilən ölümcül olmayan hərbi yardım paketidir.
Xatırladaq ki, 2024-cü ildə Aİ Sülh Fondundan Ermənistana 10 milyon avro yardım ayırıb, bu da ikitərəfli münasibətlər tarixində ilk belə addım olub.