Sumqayıtda partlayış baş verib.
Lent.az APA-ya istinadla xəbər verir ki, hadisə Y.Məmmədov (Metallurq) küçəsində 2 saylı yataqxanada qeydə alınıb.
Hadisənin ilkin olaraq qaz balonundan baş verdiyi bildirilir. Partlayış zamanı 1 ailənin 4 üzvü xəsarət alıb.
Belə ki, 1986-cı il təvəllüdlü Paşayev Ceyhun Eldar oğlu üzün və əllərin yanıqları, onun həyat yoldaşı Paşayeva Vüsalə Gündüz qızı üzün və əllərin 1-2-ci dərəcəli yanığı xəsarətləri alıb.
Bundan başqa onların uşaqları - 2008-ci il təvəllüdlü Paşayeva Nəzakət üzün 2-ci dərəcəli termik yanığı, 2013-cü il təvəllüdlü Paşayev Yusif üzün 1 ci dərəcəli, əlin 2-ci dərəcəli yanığı xəsarətləri alıblar.
Hadisə nəticəsində 4 mənzilə zərər dəyib.
Faktla bağlı araşdırma aparılır.
