Azərbaycanda 2016-cı ildən tətbiq edilən investisiya təşviqi mexanizmi çərçivəsində 585 layihə təşviq olunub.
"Report" xəbər verir ki, bunu Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayev Bakıda keçirilən "Dövlət-Sahibkar Tərəfdaşlığı:Dayanıqlı İqtisadiyyatın Əsası" mövzusunda tədbirdə bildirib.
"Layihələrin icrası nəticəsində iqtisadiyyata 5,6 milyard manatdan artıq investisiya yatırılması, 38 mindən çox iş yerinin yaradılması nəzərdə tutulub. İndiyə qədər dəyəri 1,1 milyard ABŞ dollarına qədər texnika, texnoloji avadanlıq və qurğular güzəştli şərtlərlə ölkəyə idxal edilib və müasir istehsal sahələri qurulub. Təşviq edilmiş layihələrin icrası nəticəsində ölkədə yeni məhsullar istehsal edən müəssisələr yaradılıb", -deyə o qeyd edib.
Bizim Telegram kanalımıza abunə olun