Argentinanın illik inflyasiya səviyyəsi 2023-cü ili 211,4 faizlə başa vurub ki, bu da 1990-cı illərin əvvəlindən bəri qeydə alınmış ən yüksək göstəricidir.
“Report” xəbər verir ki, bu barədə “Reuters” yazıb.
Dekabrda Argentinanın aylıq inflyasiyası da pesonun kəskin devalvasiyası fonunda proqnozlardan aşağı – 25,5 faizə çatıb.
Agentlik qeyd edib ki, Argentinanın liberitarian Prezidenti Xavyer Mileyin vəzifəyə başladıqdan sonrakı dövrə aid inflyasiya verilənləri, cari həftə IMF ilə imzalanmış vacib sazişə baxmayaraq, onun hökumətinin qarşılaşdığı nəhəng problemləri üzə çıxarıb.
Eyni zamanda, digər Latın Amerika ölkəsi – illərdir yüksək inflyasiyaya malik Venesuelada son aylarda qiymətlərdə azalma müşahidə olunur, belə ki 2023-cü ildə illik inflyasiya 193 faiz təşkil edib.
Bizim Telegram kanalımıza abunə olun