"Neftçi" basketbol komandası FIBA Avropa Kubokunun müntəzəm mövsümündə beşinci oyununa çıxacaq.
"Report"un məlumatına görə, "ağ-qaralar" bu gün H qrupunun növbəti matçında Bolqarıstanın "Lokomotiv" kollektivinin qonağı olacaq.
Oyun Plovdiv şəhərində, Bakı vaxtı ilə saat 21:00-da start götürəcək.
Xatırladaq ki, "Neftçi" qrupda keçirdiyi əvvəlki dörd görüşdə məğlub olub. Komanda "Fribur Olimpik"ə (İsveçrə) 73:78, Yunanıstan təmsilçisi "Mikonos"a 58:78, Latviyanın VEF kollektivinə 94:110, "Oradya"ya (Rumıniya) 83:99 hesabı ilə uduzub.
Mənbə: report.az