İtaliyanın "Yuventus" klubu heyətində icarə əsasında çıxış edən qapıçı Qulyelmo Vikarionu İngiltərə "Tottenhem"indən transfer etməyi planlaşdırır.
"Report" "Tuttosport"a istinadən xəbər verir ki, Turin təmsilçisinin rəhbərliyi 30 yaşlı qolkiperin oyunundan və liderlik keyfiyyətlərindən razıdır.
Oyunçunun keçidi praktiki olaraq həll olunmuş hesab edilir. Rəhbərliyin bu qərarına digər qapıçı Kamil Qrabaranın zədələnməsi də təsir göstərib.
"Yuventus" Q.Vikarionu 2026-cı ilin avqustunda mövsümün sonunadək icarəyə götürüb. Müqavilə şərtlərində 8 milyon avroya satınalma hüququ da nəzərdə tutulub.
Qeyd edək ki, qolkiper 2026/2027 mövsümündə keçirdiyi 12 matçın 5-də qapısını toxunulmaz saxlayıb. "Transfermarkt" portalı onun dəyərini 12 milyon avro olaraq qiymətləndirir.
Mənbə: report.az