Serbiya Tərəqqi Partiyasının (STP) sədri Miloş Vuçeviç öz vəzifəsinə Serbiyanın sabiq prezidenti Aleksandar Vuçiçin təyin edilməsini təklif edib.
"Report" N1-ə istinadən xəbər verir ki, partiyanın yeni rəhbərliyi bu il dekabrın 13-də keçiriləcək iclasda seçiləcək.
"STP sədri kimi mən sizə, baş şuranın üzvlərinə, dekabrın 13-də partiyanın yeni rəhbərliyini seçəcəyimiz və partiyanı qarşıdakı dövrə hazırlayacağımız növbədənkənar məclis iclasının çağırılması barədə qərar qəbul etməyi təklif edirəm", - Vuçeviç Belqradda STP baş şurasının iclasında bildirib.
Qeyd edək ki, Vuçiç 2012-ci ildən 2023-cü ilə qədər partiyaya rəhbərlik edib. Cari ildə STP Serbiyada keçirilən parlament seçkilərində məğlub olub.
Mənbə: report.az