"Qalatasaray"dan ayrıldıqdan sonra azad agent olan Mauro İkardinin Premyer Liqaya transferi ilə bağlı xəbərlər yayılıb.
İtaliya mediası xəbər verir ki, "Tottenhem" 32 yaşlı hücumçunu azad transferlə transfer etməyi düşünür.
Lent.az-ın məlumatına görə, karyerası ərzində "İnter" və PSJ-də də oynamış İkardinin yaxın günlərdə yeni komandasını müəyyənləşdirəcəyi gözlənilir.
"Qalatasaray"dakı 4 illik karyerasından sonra özünə yeni komanda axtaran Mauro İkardi üçün Avropadan gözlənilməz xəbər gəlib. 32 yaşlı argentinalı hücumçu azad agent olduğu üçün klublar üçün cəlbedici seçim kimi görünür.
İtaliyanın idman xəbər agentliyi “Calcio Mercato”nun məlumatına görə, Premyer Liqa təmsilçisi “Tottenhem” Mauro İkardini transfer siyahısına əlavə edib. Məlumatda Roberto De Zerbinin baş məşqçisi olduğu London klubunun təcrübəli hücumçunu pulsuz transfer etmək imkanını araşdırmaq istədiyi bildirilir.
Karyerası ərzində "İnter" və PSJ kimi böyük klublarda oynamış İkardinin yenidən yüksək səviyyədə oynamağa hazır olduğu bildirilir. Hələ ki heç bir komanda ilə razılığa gəlməyən argentinalı futbolçunun yaxın günlərdə gələcəyinə aydınlıq gətirəcəyi gözlənilir.
Mauro İkardi "Qalatasaray"da keçirdiyi dörd mövsüm ərzində əsas oyunçulardan biri olub. Müqaviləsi başa çatdığı üçün argentinalı ulduzun növbəti ünvanı bir çox şayiələrin mövzusuna çevrilib.
İdman xəbərləri
Mənbə: lent.az