“Real”ın baş məşqçisi Joze Mourinyo "Rayo Valekano" ilə oyundan əvvəl keçirdiyi mətbuat konfransında Vinisiusu meyvə verən ağacla müqayisə edib.
"Portuqaliyada bir deyim var: "Daş yalnız meyvə verən ağaclara atılır". Vinisius son illərdə nəyə nail olub? Neçə Çempionlar Liqası titulunu qazanıb? Neçə qol vurub? O, meyvələrlə dolu bir ağacdır. İnsanlar isə daşları o meyvəni istədikləri üçün atırlar", - Lent.az-ın xarici mediaya istinadən məlumatına görə, Maurinyo söyləyib.
Mourinyo həmçinin azarkeşlərin Vinisiusa ünvanladığı təhqirlər barədə fikirlərini bölüşüb.
"Səhv edən və ya o qədər də yaxşı olmayan oyun göstərən, lakin yenə də hər şeyi verən oyunçuya böyük hörmətim var. Əgər o, ürəkdən oynayırsa, klubun gerbinə hörmət edirsə və nəticə uğrunda mübarizə aparırsa, həmişə mənim dəstəyimə güvənə bilər. Bu o demək deyil ki, o, həmişə oynayacaq, amma mənim dəstəyim olacaq.
Tribunalar oyunçunu təhqir edəndə ona yazığım gəlir, amma belə bir reaksiyanı mühakimə etmək və ya tənqid etmək istəmirəm.
Məşqçi kimi təcrübəmə əsasən - təkcə "Real"da deyil - azarkeşlərlə birləşən komanda praktik olaraq məğlubedilməz olur.
Bunu Avropanın ən yaxşı beş liqasında ev oyunları üzrə Ginnesin rekordunu xatırlayarkən deyirəm - altı və ya yeddi il uduzmadım.
Bir komanda vahid kimi hərəkət etdikdə və tribunaların dəstəyini hiss etdikdə, o, məğlubedilməzdir.
Lakin, istənilən stadiondakı azarkeşlərin müəyyən bir məqamda öz istədikləri kimi reaksiya vermək və davranmaq hüququ var".
Qeyd edək ki, sentyabrın 12-də keçirilən oyunda “Real” "Rayo Valekano"nu 4:1 hesabı ilə məğlub edib.
İdman xəbərləriMənbə: lent.az