Türkiyənin Kayseri şəhərində axşam saatlarından başlayan güclü yağış və leysan selə səbəb olub.
"Report" "TRT Haber"ə istinadən xəbər verir ki, sel səbəbindən nəqliyyatın hərəkətində çətinliklər yaranıb.
Bildirilib ki, şəhərin müxtəlif ərazilərində yeraltı keçidlərdə su yığıntıları formalaşıb, kanalizasiya xətlərinin daşmasından sonra yol qovşaqları gölməçəyə çevrilib.
Səlahiyyətli qurumlar sel və subasma ilə bağlı vətəndaşlara xəbərdarlıq edib.