Gələn həftə Bakıda Avropa İttifaqı (Aİ) və Azərbaycan arasında Təhlükəsizlik Dialoqunun 7-ci iclası keçiriləcək.
"Report" xəbər verir ki, bunu Aİ-nin Azərbaycandakı səfiri Mariyana Kuyundziç Avropa Gününə həsr olunmuş tədbirdə deyib.
Səfir Bakı ilə Brüssel arasında ikitərəfli münasibətlərin yüksək dinamika ilə inkişaf etdiyini qeyd edərək, gələn həftə mühüm tədbirlərin keçiriləcəyini əlavə edib.
"Lakin biz əldə edilənlərlə kifayətlənə bilmərik. Gələn həftə tərəfdaşlığımızda daha bir mühüm mərhələ qeyd olunacaq: Bakı 7-ci Aİ-Azərbaycan Təhlükəsizlik Dialoquna ev sahibliyi edəcək", - o əlavə edib.