Əgər iri və sağlam sarımsaq başları yetişdirmək istəyirsinizsə, sahəni ən azı üç-dörd il boş saxlayın.
Lent.az xarici mediaya istinadən xəbər verir ki, tərəvəzləri bir neçə il ardıcıl olaraq eyni yerdə əkmək məsləhət deyil. Yaxşı məhsul əldə etmək üçün bitkiləri növbələmək lazımdır. Bu qayda sarımsağa da aiddir.
Sarımsaqdan sonra sahədə ən azı 3-4 il fasilə vermək lazımdır ki, yenidən payızlıq və ya yazlıq sarımsaq əkilə bilsin. Həmçinin soğan və hətta zanbaqkimilər fəsiləsinə aid bəzək güllərini də əkmək tövsiyə edilmir, çünki onlar eyni torpaq qida maddələrini tükədir və oxşar xəstəliklərə meyllidirlər.
Sarımsaqdan sonra bunları əkmək məsləhət deyil:
yabanı sarımsaq (çeremşa)
lobya
orta və gec yetişən kələm növləri
şalğam
çiyələk
pomidor
Torpağın münbitliyini qorumaq və xəstəliklərin qarşısını almaq üçün əkin dövriyyəsinə əməl etmək vacibdir. Sarımsaqdan sonra ən uyğun seçimlər balqabaq, qabaq və xiyar hesab olunur. Noxud, pomidor, badımcan, kələm, turp və kahı da əkilə bilər.
Maraq sarımsaq