Yeni paltarlar həmişə görünüşü və təzə qoxusu ilə cəlbedici olur. Lakin gözəl qablaşdırmanın arxasında dəri və sağlamlıq üçün müəyyən risklər gizlənə bilər. Əşya yeni alınıb ideal vəziyyətdə görünsə belə, onu ilk istifadədən əvvəl yumaq vacibdir.
Lent.az xarici mediaya istinadən xəbər verir ki, mağazaya çatmazdan əvvəl paltar istehsal, boyama, kimyəvi maddələrlə işlənmə, anbarlarda saxlanma, daşınma və digər insanların ölçməsi mərhələlərindən keçir. Bu proses zamanı parça boyalarla, qoruyucu kimyəvi tərkiblərlə, işçilərin əlləri və digər məhsullarla təmasda olur.
İstehsalçıların əsas məqsədi məhsulun görünüşü və davamlılığıdır, dərinin təhlükəsizliyi isə çox vaxt ikinci planda qalır. Parçanı yığılmadan, solmadan və kifdən qorumaq üçün formaldehid də daxil olmaqla müxtəlif kimyəvi maddələrdən istifadə olunur. Xüsusilə tünd və parlaq rəngli boyalar tərin təsiri ilə dərini qıcıqlandıra bilən azo-komponentlər ehtiva edə bilər.
Sintetik materiallar bu maddələri bədənə daha yaxın saxlayır, xüsusən də paltar sıxdırsa. Kimyəvi maddələrin hətta az miqdarı belə qaşınma, qızartı və səpkilərə səbəb ola bilər, təkrar təmas isə dərinin xroniki həssaslığı riskini artırır.
Yeni paltarlar üzərində görünən çirk olmasa belə, bakteriya və göbələklərlə çirklənmiş ola bilər. Mağazalarda geyimləri müxtəlif insanlar sınaqdan keçirir, onlar müxtəlif səthlərlə və digər məhsullarla təmasda olur.
Bakteriyalar, xüsusilə nəmi saxlayan sintetik parçalarda uzun müddət qala bilir. İlk geyinmədən əvvəl yuma kimyəvi maddələri, artıq boyaları və mikrobları təmizləyir, paltarı dəri üçün daha təhlükəsiz edir. Bundan əlavə, yuma parçanın “oturmasına”, daha yumşaq və rahat olmasına kömək edir. Qulluq təlimatlarına əməl edildikdə parçanın zədələnmə riski minimum olur və məhsulun keyfiyyəti qorunur.
Qeyd edək ki, “yumağın evangelisti” adlandırılan Patrik Riçardson da paltarların daha effektiv və qənaətli yuyulması ilə bağlı praktik tövsiyələr paylaşıb. Onun sözlərinə görə, gündəlik istifadə üçün bircə rejim ekspress yuma kifayətdir, quruducu üçün salfetlərdən isə ümumiyyətlə, imtina etmək daha yaxşıdır. Riçardson həmçinin geniş yayılmış bir səhvə diqqət çəkir: insanların çoxu normadan artıq yuyucu vasitə istifadə edir. Bir yuma üçün təxminən iki xörək qaşığı toz kifayətdir və bu halda bir qablaşdırma rahatlıqla bir il ərzində yetə bilər.
Maraq yeni paltarlar paltar yuma dəri sağlamlığı allergiya riski gigiyena bakteriyalar