Macarıstan Moldovanın Avropa İttifaqına (Aİ) daxil olmasını dəstəkləyir və bu məsələ ilə bağlı danışıqların tez və effektiv şəkildə aparılmasına kömək edəcək.
“Report” TASS-a istinadən xəbər verir ki, bunu Macarıstanın Baş naziri Viktor Orban Budapeştdə moldovalı həmkarı Dorin Reçan ilə görüşdən sonra keçirilən mətbuat konfransında deyib.
“Macarıstan Moldovanın Avropa İttifaqına üzvlüyünü qeyd-şərtsiz dəstəkləyir”, - Macarıstanın hökumət başçısı bildirib.
Onun sözlərinə görə, söhbət təkcə Aİ-yə üzvlüyün Moldova üçün faydalı olacağından deyil, həm də Avropa İttifaqının yeni enerjiyə ehtiyacı olmasından gedir.
Bizim Telegram kanalımıza abunə olun