Azərbaycan və Monqolustan arasında Ümumdünya Şəhərsalma Forumunun On Üçüncü sessiyasında (WUF13) iştirak, davamlı şəhər inkişafı ilə bağlı mövcud məsələlər müzakirə edilib.
"Report" Dövlət Şəhərsalma və Arxitektura Komitəsinə istinadən xəbər verir ki, müzakirələr komitənin sədri Anar Quliyev ilə Monqolustanın Azərbaycandakı fövqəladə və səlahiyyətli səfiri Qombosuren Munxbayar ilə görüşdə aparılıb.
Görüşdə iki ölkənin şəhərsalma siyasətləri ilə bağlı yanaşmalara dair fikir mübadiləsi aparılıb.
A.Quliyev səfirin Azərbaycandakı diplomatik missiyasının başa çatması ilə əlaqədar ikitərəfli münasibətlərin inkişafına verilən töhfəyə görə minnətdarlığını bildirib, ona gələcək peşəkar fəaliyyətində uğurlar arzulayıb.
