Fransa Ukraynaya "Mirage 2000" qırıcı təyyarələrinin tədarükünü davam etdirir.
"Report"un Ukrayna mediasına istinadən verdiyi məlumata görə, bu barədə Fransanın Kiyevdəki səfiri Qael Vesye bildirib.
Onun sözlərinə görə, çatdırılma proqramı qüvvədə qalır və paralel olaraq ukraynalı pilotların təlimi davam edir.
Diplomat artıq neçə təyyarənin Kiyevə verildiyini və ya prosesin hazırda hansı mərhələdə olduğunu dəqiqləşdirməyib.
Fransanın Ukraynadakı səfiri həmçinin SCALP raketlərinin çatışmazlığı ilə bağlı mediada yayılan məlumatlara da cavab verib. O, ölkənin böyük ehtiyatlarının olmadığını və bu raketlərin istehsalının uzun müddət çəkdiyini etiraf edib, lakin Paris mümkün olan hər şeyi edir.
Vesye əmin edib ki, Fransa Ukrayna Silahlı Qüvvələrinin real ehtiyacları ilə mümkün qədər yaxından sinxronizasiya olunmaqla yanaşı, hərbi dəstək sahəsində çox şey etməyə çalışır. O, Fransanın Ukraynanı hərbi cəhətdən güclü görmək istədiyini vurğulayıb.
"Bizə güclü Ukrayna lazımdır, o cümlədən hərbi cəhətdən də, ki, danışıqlarda mümkün olan ən yaxşı mövqedə olsun", - diplomat bildirib.