Ermənistan-Türkiyə sərhədinin üçüncü ölkələrin vətəndaşları üçün açılması qısa müddət ərzində Ermənistana turist axınının artmasına səbəb ola bilər.
"Report" yerli KİV-ə istinadən xəbər verir ki, bunu Ermənistanın iqtisadiyyat nazirinin müavini Anuşik Avetyan Türkiyə ilə sərhəddə yerləşən "Marqara" sərhəd-keçid məntəqəsinə baxış zamanı bildirib.
"Ermənistan-Türkiyə sərhədinin açılmasında ilk və ən sürətli nəticə turist axınının artması olacaq", - o qeyd edib.
Nazir müavininin sözlərinə görə, hazırda Ermənistan "Lars" sərhəd-keçid məntəqəsindən çox asılıdır və Türkiyə ilə sərhədin açılması sahibkarlara müsbət təsir göstərəcək.