Kənd sakinləri məcburi köçkünlük dövründə doğma yurdu bir an belə yaddan çıxarmadılar.
Bunu "Report"un Xocalıya ezam olunan əməkdaşına açıqlamasında rayonun Seyidbəyli kənd sakini Bəbir İsgəndərov deyib.
O, məcburi köçkünlük dövründə öz ocaqlarına dönmək üçün dua etdiklərini vurğulayıb:
"İstər xoş, istərsə də çətin vaxtlarda doğma yurdumuzu bir an belə unutmadıq, yaddan çıxarmadıq. Həm yaxşı, həm də çətin günlərdə doğma ocağımıza qayıtmaq üçün dua etdik. Şükür, bir vaxt xəyalını qurduğumuz gün artıq reallığa çevrilib".