İngiltərədə ata və 2 yaşlı oğlu faciəvi şəkildə ölüb.
Lent.az xarici mediaya istinadla bildirir ki, hadisə Linkolnşire şəhərinin Skeqness qəsəbəsində qeydə alınıb. Buradakı evlərin birində 60 yaşlı kişi infarktdan dünyasını dəyişib.
Hadisənin daha dəhşətli tərəfi isə onunla birgə yaşayan 2 yaşlı oğlu Bronson Battersbi ilə əlaqədardır. Belə ki, körpə atası öldüyü üçün 2 həftə ac və susuz qalıb. Nəticədə 2 həftə tab gətirə bilən uşaq aclıq və susuzluqdan ölüb.
Onların meyiti yanvarın 9-da aşkar edilib. Araşdırma aparılır.
