İnsanlar qəhvəni müxtəlif səbəblərlə içirlər, lakin onu nə qədər çox içirlərsə, gün ərzində özlərinə enerji vermək ehtiyacı yarandıqda bir o qədər ondan asılı olurlar. Bununla belə, yatmazdan ən azı 4-6 saat əvvəl qəhvədən uzaq durmaq tövsiyə olunur.
Lent.az xarici mediaya istinadla xəbər verir ki, bəzi insanlar kofeinə qarşı çox həssasdırlar və onlar üçün yuxudan əvvəl qəhvə qəbul etməmək xüsusilə vacibdir.
Mütəxəssislər sevilən içkinin nə vaxt içilməsinin daha doğru olduğunu açıqlayıblar. Kofeinin təsiri düşündüyümüzdən daha uzun sürür. O, orqanizmdə beş-yeddi saat, bəzən isə daha uzun müddət aktiv qala bilər. Məhz buna görə də saat 15:00-da içilən qəhvə axşam yuxuya getməyə rahatlıqla mane ola bilər. 300 mq-dan yuxarı dozalar, yəni bir neçə fincan qəhvə, yuxunun keyfiyyətini davamlı şəkildə pisləşdirir, istirahətdən altı saat əvvəl qəbul edilən kofein isə bir saatdan çox yuxunu “oğurlaya” bilər.
Kofein içki qəbul edildikdən təxminən 40 dəqiqə sonra qana daxil olur. O, həmçinin vurğulayıb ki, kofein stimullaşdırıcı maddədir və orqanizm buna stress hormonu olan kortizolun ifrazı ilə reaksiya verir. Bu isə öz növbəsində qanda şəkərin səviyyəsinin artmasına səbəb olur.
Qısamüddətli enerji artımından sonra bədən bu şəkərin əslində lazım olmadığını anlayır və nəticədə insulin işə düşərək şəkərin səviyyəsini aşağı salır.
Sağlıq kofe qəhvə niyə yatmazdan əvvəl kofe içmək olmaz