Nyu-York hakimiyyəti miqrantların şəhərdə qalmasını tənzimləmək üçün tədbirlər görməyə başlayıb.
"Report"un verdiyi xəbərə görə, yerli sakinlərin qanunsuz miqrantların dilənçiliyi ilə bağlı şikayətlərinin qarşısının alınması məqsədilə çərşənbə axşamından etibarən miqrantların saxlandığı dörd müvəqqəti saxlama məntəqəsində saat 23:00-dan 6:00-dək komendant saatı tətbiq ediləcək.
Texas qubernatoru qeyri-qanuni miqrantları Nyu Yorka göndərməyə başlayandan sonra problem xüsusilə aktuallaşıb.
Yaşayış mərkəzlərinin yaxınlığında hətta gecələr də miqrant dəstələrini görmək olar. Nyu-York meri Erik Adams miqrantların çoxalmasının şəhərin dağılmasına səbəb ola biləcəyindən ehtiyat etdiyini bildirib.
Komendant saatının tətbiqi yalnız dörd müvəqqəti qalma mərkəzinə təsir edəcək, burada miqrantlar hər gün hesabat verməli və göstərilən müddət ərzində sığınacaqlarda olduqlarını təsdiq etməli olacaqlar.
İstisnalar yalnız ziyarətçi işləyərkən və ya təhsil aldıqda, habelə tibb müəssisələrinə və leqallaşdırma orqanlarına baş çəkdikdə mümkün olacaq.
Bizim WhatsApp kanalımıza abunə olun