Ağır zirehli maşınlar, o cümlədən tanklar Litva ordusunun xidmətində olmalıdır.
"Report"un xarici KİV-ə istinadən verdiyi məlumata görə, bunu silahlı qüvvələrin komandanı general Valdemaras Rupşis ictimaiyyət qarşısında çıxışında deyib.
"Siyasi rəhbərliyə çatdırırıq ki, əks-hücumlar və müəyyən obyektləri ələ keçirmək üçün bizə hərbi vasitələr lazımdır. Söhbət Litvanın mütləq ehtiyacı olan mexanikləşdirilmiş və tank bölmələrindən gedir".
Komandan qeyd edib ki, müəyyən dairələrdə bu və ya digər silah növünü birinci yerə qoymağa çalışırlar. O, bu kampaniyanı səhv hesab edir.
"Bu gün tanklar və ya pilotsuz təyyarələr, pilotsuz təyyarələr və ya artilleriya barəsində söhbətlər eşidirik. Bunlar qəribə söhbətlərdir", - general vurğulayıb.
"Bu, ya digəri ola bilməz, hər şey lazımdır", - o əlavə edib.
Hazırda Litva ordusunda tank yoxdur, lakin silahlı qüvvələrdə tank taborunun da daxil olacağı diviziya formalaşdırmaq və yerləşdirmək planları var.
Bizim WhatsApp kanalımıza abunə olun