“Daily Mail” yazır ki, Hollivud aktyoru Kristian Oliver, həmçinin onun iki qızı və pilotu Karib dənizində şəxsi təyyarənin qəzaya uğraması nəticəsində həlak olublar.
Lent.az xəbər verir ki, Oliverin 51, qızlarının 10 və 12 yaşı olub.
Oliver Almaniyada anadan olub, lakin bütün həyatını ABŞ-da keçirib. “Yaxşı Alman”, “Sürətli Yarışçı” və “Valkyrie” filmlərindəki rolları ilə tanınır. Bundan əlavə, o, bu yaxınlarda “İndiana Cons” franşizasının son hissəsinin çəkilişlərində iştirak edib.