İranın Kirman şəhərində Qasım Süleymaninin məqbərəsinə aparan küçədə baş verən partlayışlarda ölənlərin sayı artıb.
Lent.az xarici mediaya istinadla bildirir ki, ölü sayının 103-ə qaldığı bildirilir. Həmçinin 188 nəfər yaralı var.
*** Saat: 17:12
İranda partlayışlar nəticəsində ölən və yaralananların sayı artıb.
Lent.az "MOUZE" teleqram kanalına istinadla bildirir ki, partlayışlar zamanı ölənlərin sayı 73-ə, yaralıların sayı isə 170-ə yüksəlib.
Ölü sayının artacağı istisna edilmir.
*** Saat: 16:49
İraqın paytaxtı Bağdad şəhəri yaxınlığında 4 il əvvəl öldürülən SEPAH komandanı general Qasım Süleymaninin ildönümündə partlayışlar baş verib.
Lent.az xarici mediaya istinadla bildirir ki, partlayışlar generalın doğulduğu və dəfn edildiyi Kirman şəhərində qeydə alınıb. İran mənbələrinin verdiyi məlumata görə, onun məzarına gedən yolda çoxlu sayda qaz balonu partlayıb.
İran dövlət kanalı partlayışlar nəticəsində 20 nəfərin öldüyünü, çoxsaylı yaralıların olduğunu bildirib.
Qeyd edək ki, Q. Süleymani 2020-ci il yanvarın 3-də döyüş bölgəsində həlak olub.