Trampın 2026-cı ildə üzləşəcəyi ən böyük təhlükə cinayət təqibi və ya şəxsi həyatı deyil.
Beynəlxalq səviyyədə "Yaşayan Nostradamus" kimi tanınan braziliyalı mistik Atos Salome, ABŞ prezidenti Donald Tramp üçün 2026-cı illə bağlı dəhşətli bir proqnoz verib. O, əvvəllər sonradan gerçəkləşən hadisələri, xüsusən də COVID-19-un yayılması və Kraliça II Yelizavetanın ölümünü proqnozlaşdırıb.
Lent.az-ın xarici mediaya istnadla məlumatına görə, o, bildirib ki, Amerika lideri populyarlığını itirə bilər və buna "daha enerjili demokratlar bazası" kömək etməyəcək.
Xüsusilə, o, Konqresdəki çoxluğunun 2026-cı ildə "ciddi təhlükə altında" ola biləcəyini bildirib və Respublikaçılar Partiyasının 2026-cı ilin noyabr ayında ən azı bir palatanı itirəcəyi ehtimalının yüksək olduğunu" qeyd edib.
Salome bildirib: "Bu amillərin birləşməsi administrasiyanı yüksək hazırlıq vəziyyətinə gətirir və Trampın prezidentliyi üçün xəbərdarlıq əlamətləri yaradır".
Salomenin sözlərinə görə, 2026-cı ildə trampizmin mahiyyəti üç cəbhə ətrafında fırlanacaq: "sərhəd təhlükəsizliyi, ticarət müharibəsi və Trampın "məhkəmə fəallığı" və "federal bürokratiya" adlandırdığı şeylərlə açıq qarşıdurma".
"Lakin, pərdəarxası narahatlıqlar artmaqdadır, çünki sorğular orta müddətdə ciddi risklərə işarə edir", - o bildirib.
O, 2026-cı ildə Tramp üçün ən böyük təhlükənin cinayət təqibi və ya şəxsi həyatı olmadığı qənaətinə gəlib.
"Gərginliyin əsl səbəbi siyasi səviyyədədir. Əsl təhlükə ara seçkilərdən sonra Konqresin daha az dəstəklənməsidir. Mövcud tendensiyalar davam edərsə, prezident səlahiyyət müddətinin ikinci yarısına daha az təmiz sularda - mülki cəzalar və qanunvericilik müqaviməti ilə yüklənmiş və birtərəfli icra hakimiyyətinə daha çox güvənərək başlayacaq", - o xəbərdarlıq edib.
Daha əvvəl braziliyalı “Nostradamus” Rusiya lideri Vladimir Putin üçün "nevroloji" sağlamlıq böhranı proqnozlaşdırıb.
"Putin, çox güman ki, öz sağlamlığına üstünlük verəcək və bu da Patruşev, Şoyqu və Bortnikovdan ibarət triumvirat üçün 2026-cı ilin may ayına qədər hakimiyyətdə qalmaq imkanı yaradacaq", - o bildirib.
"Yaşayan Nostradamus" braziliyalı mistik Atos Salome ABŞ prezident Donald Trampla bağlı proqnoz