Rusiya Prezidenti Vladimir Putin belaruslu həmkarı Aleksandr Lukaşenkodan zarafatla xəsis olmamağı və Rusiya Federasiyasına yumurta tədarük etməyi xahiş edib.
Lent.az xəbər verir ki, bu barədə TASS məlumat yayıb.
Ali Avrasiya İqtisadi Şurasının iclasında çıxış edən Lukaşenko bildirib ki, ölkəsi demək olar ki, 100% öz istehsalı olan məhsullarla - taxıl, donuz əti, quş əti, süd, tərəvəz, bitki yağları ilə təmin olunub.
Belarus lideri toyuq yumurtasına xüsusi diqqət yetirib.
“Bizə bir az ver! Xəsislik etməyin”, - deyə Putin gülümsəyərək cavab verib.
Bu arada Rusiyanın kənd təsərrüfatı naziri Dmitri Patruşev Rusiyada yumurtanın qiymətinin Yeni ildən sonra ucuzlaşmağa başlayacağını bildirib.