Türkiyənin Bingöl şəhərində səkkiz nəfərin yaralanması ilə nəticələnən yol-nəqliyyat hadisəsi baş verib.
Lent.az xəbər verir ki, bu barədə “TRT Haber” məlumat yayıb.
Bildirilib ki, olay güclü qar və çovğunun müşayiət edildiyi Bingöl – Karlıova magistralının Boncukgözü kəndi ərazisində olub. Telekanalın xəbərinə görə, avtobusun yük avtomobilinə çırpılması sonucunda iki nəqliyyat vasitəsində səkkiz nəfər yaralanıb.
Yaralılar Karlıova Dövlət Xəstəxanasına göndərilib.
Faktla bağlı araşdırma aparılır.
Mənbə: lent.az