Xərçəng xəstəsi olan 27 yaşlı Zak Stroup və sevgilisi Maddie müalicə olunduğu xəstəxanada evləniblər.
Lent.az xarici mətbuata istinadən xəbər verir ki, toy cəmi 48 saat ərzində tələsik şəkildə təşkil edilib.
Zak Stroup bildirib ki, toy dönüş nöqtəsi olub:
“Düşünmürəm ki, onsuz bunu bacarardım. Toy xərçənglə mübarizəni davam etdirmək üçün məni ruhlandırdı. Çünki Maddie, çətinliklərə baxmayaraq, hər addımda, məni dəstəklədi”.
Toylarından bəri Zak sümük iliyi transplantasiyası əməliyyatı keçirib və bir neçə kimya terapiyasını uğurla başa vurub. Onun vəziyyəti yaxşılaşmağa davam edir.