“Barselona”nın hücumçusu Vitor Roke Səudiyyə Ərəbistanının “Əl-Hilal” klubunun transfer hədəfinə çevrilib.
Lent.az xarici KİV-ə istinadla bildirir ki, “Əl-Hilal” futbolçunu almaq üçün artıq “Barselona” ilə əlaqə saxlayıb. Qeyd olunur ki, sövdələşmənin taleyi forvardın özünün qərarından asılı olacaq.
Xatırladaq ki, 19 yaşlı futbolçu 2024-cü ilin yanvarında “Atletiko Paranaense”dən “Barselona”ya keçib. Transfer məbləği 40 milyon avro olub. Transfermarkt Rokeni 40 milyon avro dəyərində qiymətləndirir.