Azərbaycana idxal edilən konyak, viski, rom, cin və ardıc tinkturası, vodka, likörlə, araq üçün gömrük rüsumu dəyişib.
Lent.az-ın xəbərinə görə, Nazirlər Kabineti bu barədə qərar verib.
Ölkəyə idxal edilən bu alkoqollu içkilər üçün idxal gömrük rüsumu 2030-cu il dekabrın 31-dək 15 faiz, lakin 1 litrinə 4,0 ABŞ dollarından az olmamaqla tətbiq ediləcək. Hazırda bu içkilərin 1 litri üçün idxal gömrük rüsumu 2 ABŞ dollarıdır.
Bu qərar dərc edildiyi gündən 90 (doxsan) gün sonra qüvvəyə minir.
***
Nazirlər Kabineti “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişikliklər edib.
Qərara əsasən, ölkəyə idxal ediləm şərab üçün idxal gömrük rüsumu 2030-cu il dekabrın 31-dək 15 faiz, lakin 1 litrinə 3,0 ABŞ dollarından az olmamaqla tətbiq ediləcək.
Hazırda ölkəyə idxal edilən şərabların 1 litri üçün 1,4 ABŞ dolları alınır.
Spirtin faktiki qatılığı 18 həcm faiz və ya daha az olan şərablar üçün də dekabr 2030-cu il tarixinədək 15 faiz, lakin 1 litrinə 2 ABŞ dollarından az olmamaqla tətbiq ediləcək. Hazırda ölkəyə idxal edilən spirtin faktiki qatılığı 18 həcm faiz və ya daha az olan şərablar 1 litri üçün 1 ABŞ dolları alınır.
Hazırda idxal gömrük rüsumu tətbiq edilməyən qıcqırma prosesində olan və ya qıcqırması spirtin əlavə edilməsindən fərqli üsulla dayandırılmış şərablar üçün də 2030-cu il dekabrın 31-dək 15 faiz, lakin 1 litrinə 3,0 ABŞ dollarından az olmamaqla gömrük rüsumu tətbiq ediləcək.
Hazırda 20°C temperaturda sıxlığı 1,33 q/sm3 və ya daha az olan və tərkibində spirtin faktiki qatılığı 1 həcm faizdən çox olmayan qatılaşdırılmış şərablar üçün 15 faiz idxal gömrük rüsumu qüvvədədir.
Dəyişikliyə əsasən, bu şərablar üçün də 2030-cu il dekabrın 31-dək 15 faiz, lakin 1 litrinə 3,0 ABŞ dollarından az olmamaqla gömrük rüsumu tətbiq ediləcək.
Bu qərar dərc edildiyi gündən 90 (doxsan) gün sonra qüvvəyə minir.
İqtisadiyyatMənbə: lent.az