ABŞ-da “Apollo 8” gəmisinin ekipaj üzvü təyyarə qəzasında həlak olub.
Lent.az xəbər verir ki, “Apollo 8”-in ekipaj üzvlərindən biri olan kosmonavt Uilyam Anders təyyarə qəzasında həlak olub. Bu barədə Fox News məlumat yayıb.
Məlumatda qeyd olunur ki, köhnə təyyarə Vaşinqton ştatının San-Xuan adalarında qəzaya uğrayıb və sükan arxasında olan 90 yaşlı kosmonavt həlak olub.
Qeyd edək ki, Anders dünya şöhrətini 24 dekabr 1968-ci ildə "Yerin doğuşu" adlı fotoşəkili çəkdikdən sonra qazanmışdı. Şəkildə ayın səthindən Yerin görünüşü təsvir edilmişdi.
Göyərtəsində Andersin də olduğu “Apollo 8” gəmisi Yerin peykinin görünməyən tərəflərini də gəzmişdi. Hətta Ayın kraterlərindən biri kosmonavtın şərəfinə adlandırılıb.