Hər bir brendin unikal bir məhsul təklif etməyə çalışdığı smart saatlar dünyasında HUAWEI WATCH FIT 3 müasir dizaynı və qabaqcıl funksiyaları ilə seçilməyi bacarır. Təqdim edilən bu smart saat təkcə biləyinizi bəzəməyəcək, həm də fəallığı və sağlam həyat tərzini dəstəkləyərək sizin etibarlı köməkçinizə çevriləcək.
HUAWEI WATCH FIT 3 smart saatının əsas üstünlüklərindən biri onun ultra incə korpusudur ki, bu da düz kənarları ilə zərif bir görünüş yaradır. Bu dizayn yalnız diqqət çəkərək göz oxşamır, həm də gün boyu biləyinizdə gəzdirildikdə sizə rahatlıq hissini yaşadır. Cəmi 9,9 mm qalınlıqda olan korpus bu smart saatı yüngül və praktik, gündəlik istifadə üçün çox əlverişli edir.
Huawei şirkəti məlumatların göstərilmə keyfiyyətini diqqətdən kənar qoymur. HUAWEI WATCH FIT 3-ün 1,82 düym ölçüdə AMOLED ekranı qızmar günəş altında belə aydın və dəqiq görüntü təmin edir. Bu ekran bildirişləri və sağlamlıq haqqında məlumatları izləməklə yanaşı, həm də istifadəçilərə öz üslublarına və ehtiyaclarına uyğun olan interaktiv saat üzlüklərini seçməyə imkan yaradır.
Yuxunun və fiziki göstəricilərin monitorinqi HUAWEI WATCH FIT 3 smart saatların vacıb funksiyalarından biridir. Sağlamlığınızın qayğısına qalan bu funksiya təkcə yuxu vaxtını izləmir, eyni zamanda gecə fəaliyyətini və nəfəsi təhlil edə bilir. Bu qabaqcıl texnologiya sayəsində yuxunuzun keyfiyyəti barədə ətraflı məlumata sahib ola, yuxu, istirahət və ümumi olaraq fiziki fəaliyyətinizi tənzimləyə bilirsiniz. Həyat tərzinizi nəzarət altında saxlamaq sağlamlığınızı yaxşılaşdırmağa və qüvvənizi artırmağa imkan verəcək.
HUAWEI WATCH FIT 3 smart saatlardakı digər maraqlı funksiyalardan biri “Fiziki göstəricilərin monitorinqi”dir. Bu funksiya ilə yerimə və qaçışdan başlayaraq, velosiped sürmək və üzməyə qədər 100-dən çox müxtəlif fəallıq növləri dəstəklənir. Daxili GPS sensoru və avtomatik məşq tanıma sayəsində isə smart saat fiziki fəallığınızı dəqiq izləyə bilir. Bu smart saatlar idman göstəricilərinizi yaxşılaşdırmağa və qoyulmuş məqsədlərə çatmağa sizə kömək edəcək, bir sözlə, sizin etibarlı məşq yoldaşınız olacaq. HUAWEI WATCH FIT 3-ün daha bir qeyd olunan üstünlüyü onun uzun müddət müstəqil çalışmasıdır. Güclü batareyası sayəsində, bu cihaz 10 günə qədər 1 tam şarjdan işləyə bilər. Daha intensiv istifadədə belə, batareya tutumu 7 günə qədər işləməni təmin edir. Səyahət etməyi və ya uzun müddətli idman fəaliyyətini xoşlayan fəal istifadəçilər üçün bu xüsusiyyət əsl rahatlıq deməkdir.
Bir sözlə, HUAWEI WATCH FIT 3 tərz, funksionallıq və rahatlıq rəmzidir. Ultra-incə korpusu, yüksək keyfiyyətli AMOLED ekranı və uzun müddətli işləmə qabiliyyəti bu smart saatı keyfiyyətə dəyər verənlər üçün əvəzolunmaz aksesuar edir.
